Module 1: Mga Epekto ng Paggamit at Pag-abuso ng Gateway Drugs

 Mga Epekto ng Paggamit at Pag-abuso ng
 Gateway Drugs

Bagaman nakapagdudulot ng panandaliang kasiyahan, ang labis na paggamit ng mga drogang gateway ay mapanganib sa kalusugan ng tao at nakapagdudulot ito ng iba’t ibang karamdaman at kapahamakan.

Ang caffeine ay nakapagpapasigla sa puso at central nervous system. Ito ay itinuturing na gamot o drugs dahil sa nagpapagising ito sa ating central nervous system na nagiging sanhi ng pagiging aktibo ng isang indibidwal. Ito ay matatagpuan sa maraming inumin tulad ng kape, tsokolate, at maraming softdrinks, gayundin sa mga pain relievers at mga gamot na mabibili ng walang reseta. 

         

Subalit ang sobrang caffeine sa isang araw ay maaaring magdulot ng ilang hindi magandang epekto sa katawan partikular sa nervous system at mga kalamnan. Maaaring maranasan ang mga sumusunod: 

1. insomnia o hirap sa pagtulog     2. pagiging nerbyoso       3. hindi mapakali    4.pagiging iritable o madaling mainis   5.paghilab ng tiyan   6. mabilis na pagtibok ng puso  7. panginginig ng mga kalamnan   8. sobrang sakit ng ulo   9. madalas na pag-ihi

Ang mga taong naninigarilyo o first-hand smoker, mga taong napaliligiran nga mga taong naninigarilyo o second-hand smoker, at ang mga taong mahilig pumunta o mamalagi sa lugar na pinagdadausan ng paninigarilyo o third-hand smoker ay malaki ang posibilidad na magkasakit dahil sa usok ng sigarilyo. Ayon sa pag-aaral, ang mga taong maagang nagsimula sa paninigarilyo ay mas maikli ang buhay kaysa sa mga taong hindi sinubukan at hindi natutong manigarilyo. Ang mga sumusunod ay ang mga sakit na dulot ng paninigarilyo;    sakit sa baga  matinding ubo at sipon  kanser sa baga, bibig, at lalamunan atake sa puso, stroke, at altapresyon pagkalagas ng buhok  katarata pagkabulok ng ngipin  pangungulubot ng balat dahil sa pagkawala ng protina pagkawala ng pandinig    Ang beer, alak at iba pang inuming may alkohol ay isa sa malawakang inuming kinukunsumo sa maraming bansa sa mundo. Katulad ng tabacco, ang alkohol ay isa sa mga legal na gateway drugs na dahilan upang ang isang tao ay malulong sa ipinagbabawal na gamot.  Sa simula, ang pag-inom ng alak ay ginagawa sa tuwing may mga okasyon lamang ngunit sa pagtagal, ang pag-inom ng alak ay nagiging karaniwang gawain at libangan. Kahit ang isang tao ay hindi maituturing na alcoholic, malaki ang posibilidad na matuto rin siyang gumamit at malulong sa ipinagbabawal na gamot.  Ang alkohol ay may panandalian at pang-matagalang epekto sa katawan ng tao ito ay ang mga sumusunod;    PANANDALIANG EPEKTO                  Nahihirapang umunawa at magpasya  Nahihirapang magsalita  Nawawalan ng balanse sa katawan Pananakit ng ulo at katawan  Pagkakaroon ng aksidente sa lansangan   PANGMATAGALANG EPEKTO  Pagkakaroon ng sakit sa atay Pagkasira ng brain cells Pagkakaroon ng maraming asido na sanhi ng pagkasugat sa loob ng tiyan na          maaaring mauwi sa pagdurugo  Nagdudulot ng highblood at sakit sa puso Nagdudulot ng epilepsy, obesity, at sakit sa balat.